പരിമിതികളെ അതിജീവിച്ച് സിവിൽ സർവീസിലേക്ക്; സൈത്തൂൻ അക്കാദമി 'ജെൻസി സിവിൽസ്' ക്യാമ്പിൽ ആത്മവിശ്വാസം പകർന്ന് അജയ് ആർ രാജ്

അന്ധതയുടെ പരിമിതികളിൽ നിന്നും IAS എന്ന സ്വപ്ന നേട്ടത്തിന്റെ നെറുകയിലെത്തിയ മലയാളത്തിന്റെ അഭിമാനം ശ്രീ അജയ് ആർ രാജ് (AIR 109, UPSC CSE Result 2026) സിവിൽ സർവീസ് ആഗ്രഹിക്കുന്ന വിദ്യാർത്ഥികൾക്കായി സൈത്തൂൻ അക്കാദമി സംഘടിപ്പിച്ച GenzCivils സമ്മർ ക്യാമ്പിൽ വിദ്യാർത്ഥികളുമായി സംവദിച്ചു. പ്രതിസന്ധികളും പരാജയങ്ങളും ക്ഷമയോടെ എങ്ങനെ അതിജയിക്കാൻ കഴിയുമെന്നതും സിവിൽ സർവീസ് പരീക്ഷ എങ്ങനെ ആത്മവിശ്വാസത്തോടെ സമീപിക്കണമെന്നതിനെക്കുറിച്ചും അദ്ദേഹം സംസാരിച്ചു. വിദ്യാർത്ഥികളുടെ എല്ലാ സംശയങ്ങൾക്കും അദ്ദേഹം കൃത്യമായ മറുപടിയും നിർദേശങ്ങളും നൽകി.
സംസ്ഥാനത്തിന്റെ വിവിധ ഭാഗങ്ങളിൽ നിന്നുമുള്ള മിടുക്കരായ ഹൈസ്‌കൂൾ, ഹയർസെക്കണ്ടറി വിദ്യാർത്ഥികളാണ് ത്രിദിന ക്യാമ്പിൽ പങ്കെടുക്കുന്നത്.